ایک شہری کا کہنا ہے کہ ان کا کسی سیاسی جماعت سے کوئی تعلق ہے اور نہ ہی وہ کسی جماعت کا رکن ہے۔ وہ ایک سکول ٹیچر ہے۔ فلسطینی سیکیورٹی فورسز نے ایک دن اسے دفتر طلب کر کے اپنے لیے کام کرنے کا کہا لیکن اس نے کام کرنے سے انکار کیا تو اسے ملازمت سے برطرف کیے جانے کی دھمکی دی گئی۔ اس نے دھمکی کو بھی خاطر میں نہیں لایا تو بالآخر اسے ملازمت سے برطرف کردیا گیا۔

برطرف کیے گئے زیادہ تر ملازمین پر الزام ہے کہ ان کے کسی نہ کسی رشتہ دار کا حماس سے تعلق ہے۔ ایک خاتون شہری کا کہنا ہے کہ اس کو ٹیچر کی ملازمت سے صرف اور صرف اس لیے برطرف کیا گیا کہ ان کے خاوند کو حماس سے تعلق رکھنے کی بنا پر گرفتار کیاگیا ہے۔