مصر سے شائع ہونے والے کثیر الاشاعت عربی روزنامے "الدستور" نے رفح کے علاقے میں عینی شاہدوں کے حوالے بتایا ہے کہ مصر-غزہ کی سرحد کے قریب بحر متوسطہ کے بین الاقوامی پانیوں میں میری ٹائمز سہولیات کی تعمیر کا آغاز کر دیا گیا ہے۔

"الدستور" کی رپورٹ کے مطابق پیلے رنگ کی دیو ہیکل مشینیں، جنہیں سادہ کپڑوں والے ڈرائیور چلا کر تعمیرات کی جگہ پر لائے، زمین سے بڑے بڑے پتھر نکال کر سمندر میں پھینک رہی ہیں۔ ایسا محسوس ہوتا ہے کہ سمندر کے اندر بھی ایک دیوار تعمیر کی جا رہی ہے تاکہ اس پر برتھیں تعمیر کی جا سکے۔

 عینی شاہدوں نے بتایا کہ گذشتہ چند ہفتوں کے دوران بڑے بڑے پتھروں کو ٹرکوں پر لاد کر تعمیرات کی جگہ پر لایا جاتا رہا ہے۔ ایک مقامی ذریعے کا کہنا ہے ان تعمیرات کو مقصد بین الاقوامی پانیوں میں موجود آبدوزوں کے لئے برتھ تیارکرنے کے لئے بنائی جا رہی ہیں۔ سمندر میں ان اسرائیلی تعمیرات کا مقصدر تعیمر فلسطینیوں کی جانب سے بحری راستے سے ممکنہ "سمگلنگ" روکنا ہے۔

اخبار کے مطابق مصر نے غزہ کے ساتھ اپنی زمینی اور بحری سرحد کو محفوظ بنانے کا مکمل منصوبہ تیار کر رکھا ہے۔ ان میں بہت سی سہولیات پر کام مکمل ہو چکا ہے اور بہت سی دوسری پر کام جاری ہے۔